सोने – स्वस्त होणार होणार म्हणता सोन्याच्या दरांनी यावर्षी कहर केला आहे आणि पुढील वर्षासाठीही तुम्हाला सोन्या-चांदीच्या दरात स्वस्ताईची अपेक्षा असेल तर तुमचा भ्रम तुटू शकतो. होय, नवीन वर्षी म्हणजे २०२६ मध्ये इतका वाढणार की सर्वसामान्यांकडे फक्त दरवाढ पाहात राहण्याचाच पर्याय उरेल आणि खरेदी करण्यासाठी हजारदा विचार करावा लागेल.
असा दावा केला यावर्षी सोने आणि चांदीने गुंतवणूकदारांना प्रभावी परतावा दिला असून आतापर्यंत सोन्याच्या किमती ५०-५३% वाढल्या आहेत, पण जागतिक सुवर्ण परिषदेच्या ताज्या अहवालात पुढील दोन वर्षांत सोने आणखी वाढण्याचा दावा केला आहे.
सोन्याबाबत खळबळजनक दावा
यावर्षी आतापर्यंत सोन्याच्या किमती ५०-५३% वाढल्या आहेत, पण वर्ल्ड गोल्ड काउन्सिलच्या अहवालाने पुढील दोन वर्षात भरमसाठ दरवाढीचा अंदाज वर्तवला आहे. WGC च्या अहवालानुसार डिसेंबर २०२६ पर्यंत सोन्याच्या किमती सध्याच्या किमतींपेक्षा १५% ते ३०% वाढू शकतील. अशाप्रकारे, सध्या सोन्याची किंमत दीड लाखांच्या जवळपास आहेत आणि वर्ल्ड गोल्ड काउन्सिलचा अंदाज खरा ठरल्यास प्रति १० ग्रॅम सोने १.६९ लाखांच्या पुढे झेप घेऊ शकते.
२०२५ मध्ये आतापर्यंत अमेरिकन टॅरिफ आणि भू-राजकीय चिंतांच्या पार्श्वभूमीवर गुंतवणूकदारांनी सोन्याच्या सुरक्षिततेकडे पळ काढल्यामुळे सोन्याच्या किमती जवळजवळ ५३% वाढल्या असताना दुसरीकडे, केंद्रीय बँकांच्या सोन्याच्या खरेदी आणि त्यांच्या व्याजदरातील हालचालींनी देखील CY२५ मध्ये सोन्याच्या किमतींची दिशा निश्चित केली. WGC ने आपल्या अहवालात म्हटले आहे की लोक गोल्ड ईटीएफद्वारे मोठ्या प्रमाणात गुंतवणूक करत आहेत, ज्यामुळे दागिने किंवा तंत्रज्ञानासारख्या इतर बाजार क्षेत्रातील कमकुवतपणा भरून निघेल.
गोल्ड ईटीएफमध्ये भरभराट
WGC च्या आकडेवारीनुसार गोल्ड ईटीएफमध्ये २०२५ मध्ये आतापर्यंत ७७ अब्ज डॉलर्सचा ओघ दिसून आला आहे, ज्यामुळे त्यांच्या होल्डिंगमध्ये ७०० टनांपेक्षा जास्त वाढ झाली आहे. ‘आपण सुरुवातीचा काळ मे २०२४ पर्यंत वाढवला तरी एकूण सोन्याच्या ईटीएफ होल्डिंगमध्ये अंदाजे ८५० टनांची वाढ झाली. हा आकडा मागील सोन्याच्या बुल सायकलच्या निम्म्यापेक्षा कमी आहे, ज्यामुळे वाढीसाठी लक्षणीय संधी आहे,’ असे डब्ल्यूजीसीने म्हटले.
तरच सोनं स्वस्त होऊ शकतं
दुसरीकडे, बेअर परिस्थितीत WGC ने २०२६ मध्ये सोन्याच्या किमती ५% ते २०% पर्यंत घसरणीचा अंदाज वर्तवला आहे. पण यासाठी डोनाल्ड ट्रम्पची धोरणे यशस्वी होणे आवश्यक आहे, ज्यामुळे अमेरिकेत अपेक्षेपेक्षा जास्त वाढ होईल आणि सोन्याला आर्थिक पाठबळ मिळेल.
‘या परिस्थितीत चलनवाढीचा वेग वाढण्याची शक्यता आहे, ज्यामुळे क्रियाकलाप वाढतील आणि जागतिक विकास अधिक मजबूत होईल. चलनवाढीचा दबाव वाढत असताना फेडला २०२६ पर्यंत दर राखण्यास किंवा वाढवण्यास भाग पाडले जाईल,’ असे WGC ने इशारा दिला. यामुळे दीर्घकालीन उत्पन्न वाढेल आणि अमेरिकन डॉलर मजबूत होईल, असे WGC ने म्हटले आहे.
