रिगा : जगातील अनेक देशांमध्ये गेल्या काही वर्षांमध्ये लैंगिक असमानता निर्माण झाली आहे. लिंग गुणोत्तराचं संतुलन बिघडल्यानं अनेक देशांसमोर बिकट स्थिती निर्माण झाली आहे. युरोप खंडातील लॅटविया देशाचा समावेशदेखील अशाच राष्ट्रांच्या यादीत होतो. या सुंदर देशातील पुरुषांची संख्या वेगानं कमी झाली आहे. त्याचे परिणाम आता दैनंदिन कारभारात, व्यवहारात दिसू लागले आहेत. परिस्थिती इतकी भीषण आहे की महिलांना पती भाडे तत्त्वावर घेण्याची वेळ आली आहे. लॅटवियामधील सुंदर महिला तासाच्या हिशोबानं पुरुषांना घरी नेतात आणि त्यांच्याकडून आवश्यक कामं करुन घेतात.
लॅटवियामध्ये पुरुषांची संख्या वेगानं कमी झाली आहे. त्यामुळे इथल्या महिला तासाच्या हिशोबानं पुरुषांना घरी नेतात. थोडक्यात पुरुषांना भाड्यानं नेलं जातं. घरातील लहान-मोठ्या कामांसाठी त्यांची मदत घेतली जाते. घरातील कामांचा डोलारा सांभाळण्यासाठी पुरुष साथीदारच नसल्यानं महिला वर्ग त्रस्त झाला आहे. त्यामुळे लॅटवियामधील महिला हँडमॅन (कारागीर) भाड्यानं नेतात. त्यांच्याकडून घरातील लहानसहान कामं करुन घेतात. द न्यूयॉर्क पोस्टनं याबद्दलचं वृत्त दिलं आहे.
कोमांड-२४ सारखं संकेतस्थळ गोल्डन हँड पुरुषांच्या सेवा देत आहेत. हे पुरुष प्लंबिंग, सुतारकाम, इलेक्ट्रिशियन अशा सेवा देतात. रेमोंटडार्बी नावाचं संकेतस्थळ महिलांना ऑनलाईन किंवा फोनवरुन पती बुक करण्याची सुविधा पुरवतं. रंगकाम, पडदे नीट करणं आणि देखभाल दुरुस्ती अशी कामं ही पुरुष मंडळी करुन देतात.
लॅटवियामध्ये महिलांची संख्या अधिक आहे. दर १०० महिलांमागे ८६ पुरुष असं देशातील लिंग गुणोत्तर आहे. त्यामुळे दैनंदिन जीवनात महिलांना पुरुषांची उणीव जाणवते. डानिया नावाची एक महिला सणासुदीच्या काळात काम करते. तिच्या सगळ्याच सहकारी महिला असल्याचं ती सांगते. डानियाची मैत्रीण जेननं आणखी एका भीषण समस्येकडे लक्ष वेधलं. देशात पुरुषांची संख्या कमी असल्यानं अनेक महिला जोडीदार शोधण्यासाठी परदेशी जात असल्याचं तिनं सांगितलं.
लॅटवियामधील लिंग गुणोत्तरात मोठा फरक असण्यामागे तिथला आयुर्मान हा महत्त्वाचा घटक आहे. लॅटवियामधील पुरुषांचं आयुर्मान महिलांच्या तुलनेत कमी आहे. इथले पुरुष महिलांच्या तुलनेत कमी आहे. त्यामुळे आता पती भाड्यानं घेण्याचा ट्रेंड देशात वाढू लागला आहे.
