मनोरंजन – प्रसिद्ध बॉलिवूड निर्माता-दिग्दर्शक आदित्य धर दिग्दर्शित “धुरंधर” या चित्रपटाने रिलीज झाल्यापासून जगभरातील बॉक्स ऑफिसवर धमाका उडवला आहे. चित्रपट पाहण्यासाठी प्रेक्षकांची तोबा गर्दी चित्रपटगृहांमध्ये होत आहे. अशातच सिनेमाने रविवारी म्हणजे सुट्टीच्या दिवशी तब्बल ४२ कोटींपेक्षा जास्त कमाई करुन निर्मात्यांच्या ब्लॉकबस्टरच्या आशा उज्वलित केल्या आहेत.
पण सोमवार आठड्याच्या पहिल्या दिवश कलेक्शनमध्ये थोडी घसरण झाली त्यामुळे निर्मात्यांसाठी थोडी चिंता वाढली आहे. रणवीर सिंहच्या “धुरंधर” चित्रपटाने देशांतर्गत बॉक्स ऑफिसवर किती कोटींची कमाई केली आहे ते पाहूया.
धुरंधर सिनेमाचे सोमवारचे कलेक्शन
रणवीर सिंह याची मुख्य भूमिका असलेल्या स्पाय थ्रिलर “धुरंधर” चित्रपटाने पहिल्या दिवशी 28 कोटींची कमाई केली. त्यानंतर शनिवारी ३२ कोटी आणि रविवारी ४३ कोटींची कमाई केली. सॅकनिल्कने शेअर केलेल्या आकडेवारीनुसार, रणवीर सिंगच्या चित्रपटाने सोमवारी फक्त २३ कोटींची कमाई केली. चार दिवसांत “धुरंधर” चे एकूण कलेक्शन १२६ कोटींवर पोहोचले आहे. हा चित्रपट आता हळूहळू २०० कोटींच्या क्लबमध्ये सामील होण्याच्या दिशेने वाटचाल करत आहे.
‘धुरंधर’ने चार दिवसांत किती कमाई केली?
रणवीर सिंह, संजय दत्त, अक्षय खन्ना, अर्जुन रामपाल, आर. माधवन, सारा अर्जुन, राकेश बेदी आणि सौम्या टंडन यांच्या प्रमुख भूमिका असलेल्या ‘धुरंधर’ने तीन दिवसांत जगभरात अंदाजे १५८ कोटींची कमाई केली आहे. आता चार दिवसांत हे कलेक्शन १९० कोटींपेक्षा जास्त होईल अशी अपेक्षा आहे. दरम्यान, परदेशात, चित्रपटाने तीन दिवसांत ३४.५० कोटींची कमाई केली आहे. ‘धुरंधर’ या वर्षीच्या ब्लॉकबस्टर हिट ‘छावा’ला टक्कर देत असल्याचे दिसून येते.
रणवीर सिंहच्या “धुरंधर” चित्रपटाचे प्रेक्षक सोशल मीडियावर सातत्याने कौतुक करत आहेत. चित्रपट पाहिल्यानंतर लोकांनी त्यांचे रिव्ह्यू ऑनलाइन शेअर केले आहेत. चित्रपटातील गाणी, साउंडट्रॅक आणि कलाकारांच्या अभिनयाने प्रेक्षकांच्या मनावर ठसा उमटवला आहे. रणवीर सिंह आणि अक्षय खन्ना यांना सोशल मीडिया युझर्सकडून सकारात्मक प्रतिसाद मिळाला आहे. विशेष म्हणजे या सिनेमाचा पुढचा भाग १९ मार्च रोजी थिएटरमध्ये रिलीज होईल.
