कोल्हापूर – कोल्हापूरमध्ये अल्पवयीन विद्यार्थिनीचा, मुख्याद्यापकानेच गैरफायदा घेतल्याचा प्रकार उघड झाला आहे. आईच्या आजारपणाचा गैरफायदा घेत मुख्याद्यापकानेच विद्यार्थिनीचा गैरफायदा घेतला आहे. कोल्हापूर जिल्ह्यातील कागल तालुक्यातील एका आश्रमशाळेशी संबंधित प्रकरणामुळे खळबळ उडाली आहे. शाळेतील एका अल्पवयीन विद्यार्थिनीच्या तक्रारीनंतर संबंधित संस्थेतील, प्रमुख अधिकाऱ्याला पोलिसांनी ताब्यात घेतले असून, प्रकरणाचा सखोल तपास सुरू करण्यात आला आहे.
माहितीनुसार, दहावीचे शिक्षण घेत असलेल्या 16 वर्षांच्या विद्यार्थिनीशी संबंधित, हा प्रकार समोर आला आहे. कौटुंबिक परिस्थितीचा फायदा घेत आपल्याशी, जवळीक वाढवण्यात आल्याचा आरोप पीडितेने केला आहे. विद्यार्थिनीच्या कुटुंबातील सदस्य आजारी असल्याच्या, काळात संपर्क वाढवून विश्वास संपादन केल्याचे तिने तक्रारीत नमूद केले आहे.
तक्रारीनुसार, वेगवेगळ्या कालावधीत दोन ठिकाणी, तिच्याशी गैरवर्तन झाल्याचा दावा करण्यात आला आहे. या प्रकरणामुळे मुलीच्या मानसिक अवस्थेत बदल झाल्याचे, तिच्या कुटुंबियांच्या लक्षात आल्यानंतर संपूर्ण बाब उघड झाली. कुटुंबीयांनी अधिकृतरीत्या पोलिसांकडे तक्रार केली आहे. पोलिस प्रशासनाने तत्काळ कारवाई करत, संबंधित व्यक्तीला अटक केली. न्यायालयाने चौकशीसाठी मर्यादित कालावधीची, पोलीस कोठडी मंजूर केली आहे. संशयिताशी संबंधित ठिकाणांची पाहणी ,तसेच डिजिटल आणि इतर पुराव्यांची पडताळणी केली जात आहे.
या घटनेनंतर राज्यातील आश्रम शाळांमधील अल्पवयीन विद्यार्थिनींच्या सुरक्षेबाबत, गंभीर प्रश्न उपस्थित झाले आहेत. पालक संघटना आणि सामाजिक कार्यकर्त्यांकडून, जबाबदारी निश्चित करण्याची मागणी होत असून, शिक्षण विभागानेही स्वतंत्र चौकशीची प्रक्रिया सुरू केल्याची माहिती आहे. कोल्हापुरमधील आश्रम शाळेत ही घटना घडली असुन, अधिक तपास कोल्हापुर पोलिस करत आहेत.
