नागपुर – नागपूरमध्ये एकतर्फी प्रेमातून, २३ वर्षीय तरुणीची हत्या करण्यात आली आहे, तर याप्रकरणात एका विवाहित आरोपीला पोलिसांकडून अटक करण्यात आली आहे. एकतर्फी प्रेमाचा भयंकर अंत झाला आहे. विवाहित शेजाऱील तरूणाने २३ वर्षीय तरुणीला संपवले आहे, व नंतर मृतदेह फॅनला लटकावला आहे, तर ही धक्कादायक घटना नागपूर शहरात घडली आहे. नागपूर शहरातील मानकापूर पोलीस स्टेशन हद्दीत, एकतर्फी प्रेमातून २३ वर्षीय तरुणीची निर्घृण हत्या केली आहे, एकतर्फी प्रेमातून २३ वर्षीय तरुणीची करण्यात आल्याने संपूर्ण परिसरात संताप व्यक्त करण्यात येत आहे.
नागपूर शहरातील मानकापूर पोलीस स्टेशन हद्दीतील, गोधणी येथून एक धक्कादायक घटना समोर आली आहे. एकतर्फी प्रेमातून २३ वर्षीय तरुणीची निर्घृण हत्या करण्यात आल्याने संपूर्ण परिसरात खळबळ उडाली आहे. प्राची खापेकर असे मृत तरुणीचे नाव असून, शेखर ढोरे असे अटक करण्यात आलेल्या, आरोपीचे नाव आहे. आरोपी शेखर हा विवाहित असून, मृत तरूणीचा शेजारी होता. प्राची खापेकर ही गोधणी येथील कलेक्टर कॉलनीमधील, राजलक्ष्मी सोसायटीत कुटुंबासह राहत होती. ती बी.ए.चे शिक्षण घेत होती.
त्याचसोबत आरोपी शेखर ढोरे याच्या पत्नीबरोबर, शिवणकामाचे कामही करत होती. याच ओळखीचा गैरफायदा घेत शेखरने, प्राचीशी जवळीक वाढवण्याचा प्रयत्न केला. मात्र त्याचा हेतू लक्षात येताच, प्राचीने त्याच्यापासून अंतर ठेवण्यास सुरुवात केली होती.
हीच गोष्ट शेखरला सहन न झाल्याने, प्राचीच्या घरात कोणीही नसताना तो तिच्या घरी आला. यावेळी दोघांमध्ये जोरदार वाद झाला. वादाचे रूपांतर हिंसाचारात झाले, आणि रागाच्या भरात शेखरने प्राचीचा गळा दाबून तिची हत्या केली. प्राचीचा मृत्यू झाल्याची खात्री होताच, शेखरने ओढणीचा फास बनवून, तिचा मृतदेह सिलिंग फॅनला लटकावला आणि आत्महत्येचा बनाव केला व घटनास्थळावरून फरार झाला.
काही वेळाने प्राचीचे कुटुंबीय घरी परतल्यानंतर, हा प्रकार उघडकीस आला. त्यांनी तात्काळ मानकापूर पोलिसांना माहिती दिली. पोलिसांनी घटनास्थळी धाव घेत, मृतदेह ताब्यात घेऊन शवविच्छेदनासाठी पाठवला. सुरुवातीला आत्महत्येचा संशय व्यक्त करण्यात आला होता. मात्र शवविच्छेदन अहवालात प्राचीच्या डोक्यावर गंभीर मार लागल्याचे ,तसेच गळ्यावर खुणा आढळून आल्याने हा खून असल्याचे स्पष्ट झाले आहे.
यानंतर पोलिसांनी तपासाची दिशा बदलत, संशयाच्या भोवऱ्यात असलेल्या शेखर ढोरे याला ताब्यात घेतले. कडक चौकशीनंतर शेखरने गुन्ह्याची कबुली दिली. पोलिसांनी त्याला अटक केली आहे. दिवसाढवळ्या तरुणीची निर्घृण हत्या झाल्याने, मानकापूर आणि गोधणी परिसरात भीतीचे वातावरण पसरले आहे. नागपुरमध्ये एकतर्फी प्रेमातून घडलेल्या या घटनेन,े पुन्हा एकदा राज्यातील महिलांच्या सुरक्षिततेचा प्रश्न उपस्थित झाला आहे. तर याप्रकरणात अधिक तपास नागपुर पोलिस करत आहेत.
