भारतातील आजचा सोन्याचा भाव : पश्चिम आशियामध्ये इराणविरुद्ध सुरू असलेल्या अमेरिका-इस्रायल संघर्षाच्या पार्श्वभूमीवर सोन्याच्या दरात चढ-उतार होत आहेत. राष्ट्रीय आणि आंतरराष्ट्रीय परिस्थितीचा या मौल्यवान धातूंच्या किमतींवर डायरेक्ट परिणाम होत आहे. आज 4 एप्रिल रोजी सोनं-चांदीचे दर किती आहेत ?
इराणविरुद्ध इस्रायल आणि अमेरिका यांच्यातील युद्धाच्या पार्श्वभूमीवर सोन्याच्या दरात चढ-उतार सुरू आहेत. भारतात सोन्याच्या दरात पुन्हा एकदा मोठी वाढ नोंदवली गेली आहे. मागील सत्रातील घसरणीनंतर, आता सोन्याच्या दरात जोरदार सुधारणा दिसून आली आहे. देशांतर्गत बाजारातील वाढलेली खरेदी, तसेच जागतिक तणावामुळेही सोन्याला चांगलाच आधार मिळाला आहे. विशेषतः, डोनाल्ड ट्रम्प यांनी इराणवरील हल्ले तीव्र करण्याच्या दिलेल्या इशाऱ्यामुळे गुंतवणूकदार सुरक्षित गुंतवणुकीकडे वळले आहेत, ज्यामुळे सोन्याची मागणी वाढल्याचे दिसून आलं आहे.
जर आजच्या, शनिवार ४ एप्रिलच्या भावाबद्दल बोलायचं झालं तर २४ कॅरेट सोन्याच्या किंमतींनी मोठी उसळण मारल्याचं दिसून आलं. गुड रिटर्न्सच्या आकडेवारीनुसार, ४ एप्रिल रोजी २४ कॅरेट सोन्याचा भाव प्रति ग्रॅम १९६ रुपयांनी वाढून १५,०९३ रुपये झाला आहे, तर १० ग्रॅमचा भाव १,५०,९३० रुपये इतका आहे. त्याचप्रमाणे, २२ कॅरेट सोन्याच्या भावातही वाढ झाली. २२ कॅरेट सोन्याचा भाव प्रति ग्रॅम १८० रुपयांनी वाढून १३ हाजर ८३ रुपये इतका झालाय , २२ कॅरेटच्या १० ग्रॅम म्हमजेच १ तोळा सोन्यासाठी आता १,३८,३५० रुपये मोजावे लागणार आहेत.
या तेजीतून १८ कॅरेट सोनंदेखील सुटलेलं नाही. त्याचा भाव १४७ रुपयांनी वाढून प्रति ग्रॅम ११,३२० रुपये झाला, तर १० ग्रॅमचा दर १,१३,२०० रुपयांवर पोहोचला. याचाच अर्थ असा की, सर्व प्रकारच्या सोन्याने गुंतवणूकदारांना दिलासा दिला असून, बाजारात पुन्हा एकदा सकारात्मक वातावरण निर्माण झाले आहे. ग्राहकांच्या खिशावरील भार मात्र आता वाढणार आहे.
जागतिक बाजारातही सोन्याची तेजी
आंतरराष्ट्रीय स्तरावरही, सोन्याच्या दरात वाढ झाली. स्पॉट गोल्ड ०.५११ % नी वाढून प्रति औंस ४,६७६.४ वर व्यवहार करत होते, तर स्पॉट सिल्व्हरदेखील ०.२८% नी वाढून प्रति औंस ७२.९९ वर व्यवहार करत होते.
भारतीय देशांतर्गत बाजारात, एमसीएक्सवर २४-कॅरेट सोन्याचा भाव ३ एप्रिल रोजी ३० रुपयांनी किंचित घसरून प्रति १० ग्रॅमसाठी १,४९,६५० रुपयांवर बंद झाला. सोन्याचा भाव प्रति १० ग्रॅम १,४९,७४० रुपये नोंदवला गेला.
तुमच्या शहरात दर किती ?
या घटकांवर ठेवा लक्ष
जागतिक स्तरावर, सोन्याची हालचाल अनेक घटकांमध्ये गुंतलेली असते. वाढत्या भू-राजकीय तणावामुळे एकीकडे सोन्याचे सुरक्षित गुंतवणूक म्हणून स्थान मजबूत होत आहे, तर दुसरीकडे मजबूत झालेला अमेरिकन डॉलर आणि वाढते बॉण्ड उत्पन्न हे सोन्याच्या तेजीला खीळ घालू शकतात. तज्ज्ञांच्या मते, येत्या काही दिवसांत सोन्याच्या दरात चढ-उतार सुरू राहू शकतो. जागतिक तणाव वाढल्यास सोन्याच्या दरात आणखी वाढ होऊ शकते, परंतु व्याजदर आणि डॉलर मजबूत राहिल्यास ही वाढ मर्यादित राहू शकते. सध्या तरी, सोने गुंतवणूकदारांसाठी पुन्हा एकदा एक आकर्षक पर्याय म्हणून समोर आले आहे.
