शेअर मार्केटमध्ये गुंतवणूक करणाऱ्यांना भरीव नफा मिळविण्यासाठी संयम आणि सखोल रिसर्चची गरज माहिती असते. बाजारातील तुमची चाल अचूक ठरली तर तुमच्यापेक्षा नशीबवान दुसरं कोणीच नसेल. मात्र तुमचा अंदाज चुकीचा ठरला तर, तुम्हाला मोठे नुकसानही सहन करावे लागू शकते. पेनी स्टॉकमधील गुंतवणूक जोखमीची मानली जाते पण, रिसर्च आणि संयमाने निर्णय घेतल्यास तुम्हाला फायदा होऊ शकतो.
बाजारातील असंख्य स्टॉक्सनी गुंतवणूकदारांना चांगला परतावा दिला असून असाच एक स्टॉक म्हणजे श्री अधिकारी ब्रदर्स टेलिव्हिजन नेटवर्कचा आहे जो मागील काही दिवसांपासून गुंतवणूकदारांच्या रडारवर आहे.
दीड रुपयाचा शेअर बनला करोडपती
नोव्हेंबर २०२० मध्ये १.५० रुपयांवर ट्रेड करणारा श्री अधिकारी ब्रदर्स टेलिव्हिजन नेटवर्कचा स्टॉक आता NSE वर १ ,४१० रुपयांवर व्यवहार करत आहे. अशाप्रकारे पाच वर्षांपूर्वी स्टॉकमध्ये १ लाखाची गुंतवणूक केली असती आणि कालांतराने टिकवून ठेवली असती तर अंदाजे ९.४० कोटी रुपये झाली असती. आदल्या दिवशी, गुरुवारी, तेजीची उभारी घेणाऱ्या बाजारात शेअरचा भाव १.१९% वाढून सुमारे १,१४० रुपयांवर व्यवहार करत होता. यापूर्वी, एनएसईवर पेनी स्टॉक १,३९२ रुपयांवर उघडला होता.
मात्र, गेल्या वर्षभरातील शेअरच्या किमतीच्या ट्रेंडकडे पाहता मल्टीबॅगर पेनी स्टॉकमध्ये चढ-उतार राहिले आहेत. एका महिन्यात या स्टॉकमध्ये अंदाजे ७६.७७ % वाढ झाली असून मागील सहा महिन्यांत १३९% मल्टीबॅगर परतावा दिला. त्याचवेळी, पाच वर्षाच्या काळात स्टॉकने ९३ ,८०६.६७% पेक्षा जास्त वाढ झाली आणि लोकांचा पैसा चौपटीने वाढला. या दरम्यान, या स्टॉकमध्ये YTD अंदाजे 6% आणि गेल्या वर्षभरात २४% घट झाली.
पेनी स्टॉकमुळे लोक बनले लखपती-करोडपती
श्री अधिकारी ब्रदर्सच्या शेअर किमतीच्या इतिहासानुसार, मल्टीबॅगर स्टॉकमध्ये ७७ % वाढ झाली, ज्यामुळे १ लाख रुपयांवर लोकांना ७५ हजार रुपयांचा नफा झाला आणि एकूण गुंतवणूक रक्कम १.७५ लाख रुपये झाली. तसेच गेल्या सहा महिन्यांत या मल्टीबॅगर स्टॉकमध्ये सुमारे १३५% वाढ झाली, ज्यामुळे या कालावधीत गुंतवणूकदाराचे सुरुवातीचे 1 लाख रुपये २.३५ लाख झाले. त्याचप्रमाणे, गेल्या पाच वर्षांत श्री अधिकारी ब्रदर्सच्या शेअरची किंमत १.५० वरून १,१४० रुपये म्हणजेच सुमारे ९४० पटीने वाढली. अशाप्रकारे एखाद्या गुंतवणूकदाराने पाच वर्षांपूर्वी या स्टॉकमध्ये १ लाख रुपये गुंतवले आणि संपूर्ण कालावधीत गुंतवणूक केली असेल तर सुरुवातीचे १ लाख रुपये ९.४० कोटी रुपयांपर्यंत वाढली असेल.
(अस्विकरण : रयत रक्षक न्यूज कोणत्याही स्टॉक, म्युच्युअल फंड किंवा आयपीओमध्ये गुंतवणूक करण्याची शिफारस करत नाही. येथे फक्त स्टॉकची माहिती दिली आहे. कोणतीही गुंतवणूक करण्यापूर्वी कृपया तुमच्या आर्थिक सल्लागाराचा सल्ला घ्या.)
