गुवाहाटी – आसाममध्ये एसआयआर मतदार यादीचा मसुदा प्रसिद्ध झाला. मात्र मोठ्या संख्येने लोकांची नावे मसुद्यात समाविष्ट नाहीत. ज्या लोकांची नावे यादीत समाविष्ठ नाही अशा लोकांना निवडणूक आयोग नोटिसा पाठवत आहे. निवडणूक आयोगाच्या सूचनेत असे म्हटले आहे की राज्यात सुरू असलेल्या एसआयआर प्रक्रियेदरम्यान मृत्यूमुळे अनेक लोकांची नावे वगळण्यात आली आहेत. मात्र यापैकी अनेक व्यक्तीं आक्षेप घेण्यासाठी पुढे येत आहेत आणि त्यांनी जिवंत असल्याचे म्हटले आहे.
निवडणूक आयोगाच्या सूचनेबाबत, नागाव शहरातील सरकारी कर्मचारी हफिजुद्दीन अहमद यांना त्यांच्या स्थानिक सरकारी कार्यालयात सुनावणीसाठी बोलावण्यात आले होते, परंतु त्यांनी दावा केला की ते जिवंत आहेत. त्यांनी सांगितले की सुनावणी त्याच दिवशी होणार होती, म्हणून ते ताबडतोब कागदपत्रांसह कार्यालयात पोहोचले.
हफिजुद्दीन अहमद म्हणाले मी त्यांना माझे मतदार ओळखपत्र दाखवले. मी सार्वजनिक आरोग्य आणि अभियांत्रिकी विभागाचा कर्मचारी असल्याने तेथील अधिकाऱ्यांशी परिचित होतो. त्यांनी माझे कागदपत्र तपासले आणि सांगितले की सर्व काही ठीक आहे.
हे लक्षात घेण्यासारखे आहे की हफिजुद्दीन एकटे नाहीत. इतर डझनभर लोकांनाही अशाच प्रकारच्या नोटीसा मिळाल्या आहेत, ज्यापैकी अनेक एकाच व्यक्तीने दाखल केलेल्या आक्षेपांवर आधारित आहेत. बेरहमपूर, नागाव-बटाद्रबा आणि राहा या तीन मतदारसंघांमध्ये सार्वजनिक सुनावणी पुढे ढकलण्यात आल्या आहेत. अहमद यांना नोटीस मिळण्याच्या आदल्या रात्री, त्यांचे शेजारी जावेद अख्तर यांना दोन सुनावणीच्या सूचना मिळाल्या.
एक नोटीस त्यांचे सासरे अझीरुद्दीन अहमद यांना उद्देशून होती, जे अंथरुणाला खिळलेले आहेत आणि तरुणपणी ज्येष्ठ वकील होते. या नोटीसमध्ये आक्षेपाचे कारण मृत्यू असेही म्हटले होते. दुसरी नोटीस त्यांची पत्नी फरहाना यास्मिन यांना उद्देशून होती आणि आक्षेपाचे कारण स्थलांतर असे होते.
त्यांच प्रमाणे निवृत्त प्राध्यापक अब्दुल सलाम पत्नीसोबत पश्चिम बंगालला प्रवास करत असताना रविवारी त्यांना कळले की दोघांविरुद्धही मृत्यू या कारणावरून आक्षेप दाखल करण्यात आला आहे. ते म्हणाले कि आम्ही शहराबाहेर असल्याने मुलाला सुनावणीसाठी पाठवले, परंतु दावे आणि हरकती प्रक्रिया पूर्ण होण्यापूर्वी आम्हाला उपस्थित राहण्यास सांगितले गेले. म्हणून आम्ही गुरुवारी नागावला पोहोचू आणि कार्यालयात जाऊ.
या सर्व लोकांना बजावलेल्या नोटिसांवरून असे दिसून आले की आक्षेप एकाच व्यक्तीने, विशाल रॉय यांनी दाखल केले होते. नागाव-बटाद्रबा मतदारसंघासाठी आक्षेपांच्या यादीची तपासणी केल्यावर असे आढळून आले की एकाच व्यक्तीने एकाच मतदान केंद्रातील ६४ व्यक्तींविरुद्ध आक्षेप दाखल केले होते. यामध्ये बूथ बीएलओ नुरुद्दीन अहमद आणि त्यांच्या पत्नीचा समावेश होता, ज्यांच्यावर आक्षेप मृत व्यक्ती म्हणून आधारित होता.
एका बीएलओने सांगितले की बीएलओ म्हणून, मला माहित नाही की ही व्यक्ती कोण आहे. तो माझ्यासोबत जमिनीवर काम करणाऱ्या राजकीय पक्षांच्या बीएलए पैकी नाही. मला फक्त निवडणूक विभागाकडून एक यादी मिळाली, ज्यामध्ये आक्षेप दाखल केले गेले आहेत त्यांची आणि तक्रारदाराचे नाव आहे.
हे चित्र जिल्ह्यातील एका मतदान केंद्राचे आहे, परंतु जिल्ह्यातील इतर मतदान केंद्रांवर अशाच प्रकारच्या बहुसंख्य आणि खोट्या आक्षेपांबद्दल चिंता व्यक्त करण्यात आली आहे. अल्पसंख्याक समूहांनी हा मुद्दा उपस्थित केला असला तरी नागावचे जिल्हा आयुक्त देवाशिष शर्मा म्हणाले की, मुस्लिम बहुल नागाव जिल्ह्यात हिंदूंविरुद्ध दाखल केलेल्या आक्षेपांची संख्या मुस्लिमांविरुद्ध दाखल केलेल्या आक्षेपांपेक्षा कितीतरी पट जास्त आहे.
