नागपूर : नागपूर पदवीधर मतदारसंघातील महाविकास आघाडीचे काँग्रेसचे उमेदवार ॲड. अभिजित वंजारी यांच्या विजयाचा संकल्प दृढ करण्यासाठी नागपूर ता. ग्रामीण हुडकेश्वर-नरसाळा प्रभागाच्या वतीने एका भव्य प्रचार सभेचे यशस्वी आयोजन करण्यात आले. या सभेला परिसरातील पदवीधर, शिक्षक, तरुण वर्ग आणि ज्येष्ठ नागरिकांनी मोठ्या संख्येने उपस्थिती लावून महाविकास आघाडीला आपला पूर्ण पाठिंबा दर्शवला.
सदर कार्यक्रमाला महाराष्ट्र प्रदेश काँग्रेस कमिटीचे वरिष्ठ उपाध्यक्ष नानाभाऊ गावंडे, नागपूर पदवीधर मतदारसंघाचे उमेदवार ॲड. अभिजीत वंजारी, प्रदेश काँग्रेस कमिटीचे उपाध्यक्ष सुरेश भोयर, महाराष्ट्र प्रदेश महासचिव गिरीश पांडव, नागपूर शहर कमिटीचे अध्यक्ष प्रफुल गुडधे, प्रदेश काँग्रेस कमिटीच्या महासचिव तक्षशिला वाघदरे, महाराष्ट्र प्रदेश कमिटीचे सचिव नानाभाऊ कंभाले, महाराष्ट्र प्रदेश काँग्रेस कमिटीचे सचिव जयंत दळवी, माजी जिल्हा परिषद सदस्य रेखाताई भोईर, संजय खडसे, प्रवीण गवरे, विश्रांती भोयर, रजनी गुरपूडे, तालुका काँग्रेस कमिटीचे कार्याध्यक्ष अजय राऊत, बेसा-पिंपळाचे अध्यक्ष किशोर पन्नासे, बंडू वैद्य, दिवाकर जंगले प्रामुख्याने उपस्थित होते. कार्यक्रमाचे सूत्रसंचालन शंकरराव गावंडे तर आभार प्रदर्शन दीपक कुहीकर यांनी केले. प्रचार सभेचे यशस्वी आयोजन हुडकेश्वर-नरसाळा प्रभागाचे अध्यक्ष धनराज वलुकार यांनी केले.
पदवीधरांच्या प्रश्नांना वाचा फोडण्यासाठी ॲड. वंजारी यांना विजयी करा : प्रमुख नेत्यांचे आवाहन
सभेची सुरुवात महाविकास आघाडीच्या स्थानिक आणि वरिष्ठ नेत्यांच्या मार्गदर्शनाने झाली. सभेत बोलताना वक्त्यांनी सांगितले की, “नागपूर पदवीधर मतदारसंघाचे प्रतिनिधित्व करण्यासाठी ॲड. अभिजित वंजारी यांच्यासारखा अभ्यासू, उच्चशिक्षित आणि पदवीधरांचे प्रश्न पोटतिडकीने मांडणारा उमेदवार असणे काळाची गरज आहे. गेल्या अनेक वर्षांपासून पदवीधरांचे बेरोजगारी, अनुदानित शाळांचे प्रश्न आणि स्थानिक पातळीवरील संधी यांसारखे अनेक गंभीर विषय प्रलंबित आहेत. या सर्व प्रश्नांना विधानपरिषदेत खंबीरपणे मांडण्यासाठी ॲड. वंजारी यांनाच विजयी करणे आवश्यक आहे.”
पदवीधरांचा विश्वास सार्थ ठरवेन – ॲड. अभिजित वंजारी
आपल्या मनोगतात उमेदवार ॲड. अभिजित वंजारी यांनी उपस्थित जनतेचे व कार्यकर्त्यांचे आभार मानले आणि आपल्या भूमिकेविषयी भाष्य केले. “पदवीधरांचा आवाज विधिमंडळात घुमवणे हेच माझे प्रमुख ध्येय आहे. पदवीधर आणि युवकांच्या रोजगाराचे प्रश्न असोत किंवा शिक्षकांच्या प्रलंबित मागण्या, मी नेहमीच पदवीधरांच्या न्याय्य हक्कांसाठी कटिबद्ध राहीन. हुडकेश्वर-नरसाळा प्रभागातील नागरिकांनी आणि पदवीधरांनी दाखवलेला हा विश्वास माझ्या पाठीशी मोठी ताकद निर्माण करणारा आहे.”
कार्यकर्त्यांचा उत्साह
या प्रचार सभेमुळे हुडकेश्वर-नरसाळा प्रभागातील कार्यकर्त्यांमध्ये नवा उत्साह संचारला आहे. सभेच्या समाप्तीनंतर महाविकास आघाडीच्या स्थानिक कार्यकर्त्यांनी प्रभागात घरोघरी जाऊन पदवीधरांना मतदानाचे महत्त्व पटवून देण्याचा आणि ॲड. अभिजित वंजारी यांच्या पहिल्या पसंतीच्या मतदानाचे आवाहन करण्याचा निर्धार केला.
कार्यक्रमाला यशस्वी करण्यासाठी –
राहुल दोडके, नितीन दौंडकर, शंकर गावंडे , आनंद चौधरी, विलास येरखडे, संगीता चव्हाण, श्रीराम माळी, राजू रहाँगडाले, वर्षा गेडाम, शेखर टाले, रेश्मा सहारे, माधवी राजूरकर, वंदना ताकसांडे, लक्ष्मण दुधणकर , किसोर पन्नासे, जवाहर चौधरी, अविनाश टेंबरे, ललित कान्होलकर, अरुण गाणार, बंटी मिश्रा, मनीष गायकवाड, हिरा नंदनवार, प्रशांत खडसे, सागर लांबट, मोहन पलेरिया, निलेश पराते, जवाहर चौधरी, प्रभाकर आग्रे, प्रकाश खडसे, गौरव भोयर, इंदू रामटेके यांनी अथक परिश्रम घेतले.
Author: विवेक गंगाधरराव राऊत
लेखक सा. रयत रक्षक व रयत रक्षक न्यूज, महाराष्ट्र. चे मुख्य संपादक असून स्वतः प्रकाशक व मालक आहेत. त्यांना मागील 20 वर्षांपासून सामाजिक व राजकीय क्षेत्राचा प्रदीर्घ अनुभव व पत्रकारिता क्षेत्रातील मागील 9 वर्षाचा अनुभव आहे. आपल्या लेखणीतून ते नेहमी रयतेचे हित जोपसण्याचे कार्य करतात.
