सोने दर – सोनं आणि चांदीच्या किमती या सणासुदीच्या काळात वाढतानाच पाहायला मिळाल्या. दागिन्यांच्या किमती या मागील काळापासून बदलत आहे. दागिन्यांचे दर हे मागील काही दिवसांपासून सतत वाढताना दिसत आहे. सोने आणि चांदीचे दर मधे आलेली अचानक वाढ ही खरेदीदारांसाठी अडचण ठरत आहे.
या आठवड्यात १० डिसेंबर रोजी होणाऱ्या यूएस फेडरल ओपन मार्केट कमिटीच्या बैठकीच्या निकालाची गुंतवणूकदार वाट पाहत असल्याने मौल्यवान धातूंच्या किमती अत्यंत अस्थिर आहेत. आर्थिक निर्देशक मिश्र संकेत देत असताना अमेरिकन मध्यवर्ती बँक आपला धोरणात्मक निर्णय जाहीर करण्याच्या तयारीत आहे. फेडचा महागाई मापन करणारा वैयक्तिक वापर खर्च (PCE) किंमत निर्देशांक या वर्षी ऑगस्ट आणि सप्टेंबरमध्ये ०.३ टक्क्यांनी वाढला. वार्षिक आधारावर, तो ऑगस्टमध्ये २.७ टक्क्यांवरून सप्टेंबरमध्ये २.८ टक्क्यांपर्यंत वाढला, जो महागाईत किंचित वाढ दर्शवितो. दरम्यान, वाढत्या व्याजदराच्या अपेक्षांमुळे अमेरिकन डॉलरवर दबाव येत आहे. डॉलर निर्देशांक ९८.७६ या सहा आठवड्यांच्या नीचांकी पातळीवर आहे.
सोने आणि चांदीच्या किमतीत सतत बदल होत आहेत. जरी आजकाल तेजीचा कल असला तरी कधीकधी घसरण देखील होते. मंगळवारी सकाळपर्यंत २४ कॅरेट सोन्याचा भाव वाढून १२८२५७ रुपये प्रति १० ग्रॅम झाला. तर चांदीचा भाव वाढून १,७९,०८८ रुपये प्रति किलो झाला. दरम्यान, सराफा बाजारात सोन्याचा भाव १,३२,६०० रुपये प्रति 10 ग्रॅम झाला. तर चांदीचा भाव वाढून १ ,८५ ,000 रुपये प्रति किलो झाला. मल्टी कमोडिटी एक्सचेंज (MCX) वर सोन्याचा वायदा भाव 130,638 रुपये प्रति 10 ग्रॅम झाला. चांदीचा वायदा भाव १,८२,६०० रुपये प्रति किलो झाला.
विश्लेषकांचे म्हण्यानुसार, या आठवड्यात सोने आणि चांदीची दिशा प्रामुख्याने काही घटकांवरून निश्चित केली जाईल ते म्हणजे, फेडरल रिझर्व्ह धोरण संकेत, चीन आणि अमेरिकेतील आर्थिक डेटा, डॉलरच्या तुलनेत रुपयाची हालचाल. सोनं येत्या काळातही वाढेल अशी अपेक्षा नाकारता येत नाही.
