मुंबई : नवी मुंबई आंतरराष्ट्रीय विमानतळावरुन आजपासून सुरू विमानांचं उड्डाण सुरू झालं आहे. आता या विमानतळावर पोहोचण्यासाठी प्रवाशांना सोयीचं व्हावं यासाठी NMMT आणि BEST कडून ‘चलो बस’ सेवा सुरू करण्यात आली आहे. ही बस सेवा एसी आहे. NMMT अर्थात नवी मुंबई म्युनिसिपल ट्रान्सपोर्ट आणि BEST कडून सुरू करण्यात आलेली ही बस सेवा नवी मुंबई आणि मुंबईतील महत्त्वाच्या रेल्वे स्थानकांशी आणि बस डेपोशी जोडण्यात आली आहे. या सुविधेमुळे विमानतळावर पोहोचण्यासाठी प्रवाशांना चांगली कनेक्टिव्हिटी उपलब्ध होईल.
कुठे-कोणत्या मार्गावर धावणार एसी बस?
NMMT ने नवी मुंबई विमानतळासाठी सुरू केलेली AC बस सेवा ‘ए सिरीज’ अंतर्गत असेल. या बस प्रमुख उपनगरीय रेल्वे हबशी जोडतील. या नवीन बस सेवांमुळे तुर्भे, तारघर आणि बेलापूर येथून विमानतळापर्यंतची कनेक्टिव्हिटी सुधारली आहे. या बस मार्गावरुन तुर्भे डेपो, तारघर रेल्वे स्टेशन जोडत असल्यामुळे तुर्भे आणि तळोजा परिसरातील रहिवाशांना विमानतळावर सहज पोहोचता येईल. नेरुळ आणि खांदेश्वर हे मार्गही या एसी बस मार्गावर जोडण्यात आले आहेत.
ए-2 एसी मार्गामुळे तुर्भे डेपो, तारघर रेल्वे स्टेशन असा बस मार्ग असल्याने तुर्भे आणि तळोजातील रहिवासी प्रवाशांना विमानतळ परिसरात सहज जाता येतं. तर दुसरीकडे ए-3 एसी बेलापूर रेल्वे स्टेशनला एनएमआयएएल बस स्थानकाशी जोडण्यात आलं आहे. पुढे आसुडगाव डेपोपर्यंत हा मार्ग जातो. यामुळे सीबीडी बेलापूर आणि आसपासच्या परिसरातील प्रवाशांना शेवटच्या टोकापर्यंत अतिरिक्त कनेक्टिव्हिटी मिळते.
मुंबईत एसी बस कुठून-कुठे?
मुंबईच्या बाजूने, BEST द्वारे चालवल्या जाणाऱ्या ‘चलो बस’ प्रीमियम AC बस सेवा लांब पल्ल्याच्या प्रवासासाठी उपलब्ध आहेत. ‘एस फाइव्ह सिक्स जीरो’ (S560) हा मार्ग अंधेरी पूर्व आणि जवळील प्रवाशांसाठी आहे. हा मार्ग नेरुळ – सीवुड्स कॉरिडॉरमार्गे पुढे मरोळ डेपोला नवी मुंबई आंतरराष्ट्रीय विमानतळाशी जोडला जाणार आहे.
‘एस फाइव्ह सिक्स वन’ (S561) हा मार्ग अटल सेतू मार्गे वर्ल्ड ट्रेड सेंटरला पुढे नवी मुंबई विमानतळाशी थेट जोडतो. यामुळे दक्षिण मुंबईतून विमानतळावर येणं अधिक सोयीचं होईल.
नवीन विमानतळावर सार्वजनिक वाहतुकीच्या वापराला प्रोत्साहन देण्यासाठी हे बसचे मार्ग महत्त्वाचे ठरत आहेत. नवी मुंबई विमानतळाच्या कामकाजाची तयारी सुरू असताना हे मार्ग एक महत्त्वाचं पाऊल ठरलं आहे. तसंच या सार्नजखाजगी वाहने आणि टॅक्सींवरील दबाव कमी करत आहेत.
