भोपाळ – दोन वर्षांनंतर म्हणजे २०२८ मध्ये मध्य प्रदेशातील उज्जैनमध्ये सिंहस्थ कुंभमेळा होणार आहे. या कुंभमेळासाठी मध्ये प्रदेशातील भाजप सरकारने आपली तिजोरी उघडली आहे. मोहन यादव सरकार या कुंभमेळाच्या पायाभूत सुविधांवर १३ हजार ८५१ कोटी रूपये खर्च करणार आहे. आश्चर्यजनक बाब म्हणजे ही रक्कम प्रयागराज महाकुंभाच्या बजेटच्या जवळपास दुप्पट आहे.
बुधवारी रोजी मोहन यादव सरकारने आपला तिसरा अर्थसंकल्प सादर केला. या अर्थसंकल्पात, मध्य प्रदेशातील उज्जैन येथे २०२८ मध्ये होणाऱ्या सिंहस्थ कुंभमेळासाठी राज्य सरकारने एक मोठी घोषणा केली. या धार्मिक कार्यक्रमासाठी पायाभूत सुविधा आणि सुविधा सुधारण्यासाठी राज्य सरकारने अर्थसंकल्पात घोषणा केली की उज्जैन कुंभ २०२८ पूर्वी विकास कामांवर १३,८५१ कोटी रुपये खर्च केले जातील.
अर्थमंत्री जगदीश देवदा यांनी अर्थसंकल्प सादर करताना २०२८ मध्ये उज्जैन येथे होणाऱ्या सिंहस्थ कुंभमेळासाठी मोठी घोषणा केली. अर्थमंत्री म्हणाले की मोहन यादव सरकारने या कार्यक्रमासाठी १३,८५१ कोटी रूपयांची तरतूद केली आहे. या योजनेअंतर्गत सिंहस्थशी संबंधित कामे केली जातील.
अर्थमंत्र्यांनी माहिती दिली की या योजनेअंतर्गत उज्जैन-इंदूर सहा पदरी ग्रीनफिल्ड महामार्ग बांधला जात आहे. उज्जैन सिंहस्थशी संबंधित इतर कामे देखील या योजनेअंतर्गत हाती घेतली जातील. अर्थमंत्री जगदीश देवरा यांनी २०२६-२७ या आर्थिक वर्षात सिंहस्थ कुंभमेळासी संबंधित सर्व बांधकामे पूर्ण करण्याचे लक्ष्य ठेवले आहे. ते म्हणाले कि वाहतूक सुलभ करण्यासाठी किंवा रस्त्याचे रुंदीकरण करण्यासाठी १,१६४ कोटी खर्च केले जातील. नवीन, आधुनिक प्रवासासाठी १,३७० कोटी खर्चून ग्रीनफिल्ड महामार्ग बांधला जाईल. शहरातील वाहतूक कोंडी कमी करण्यासाठी ७०१ कोटी खर्चून बायपास बांधला जाईल.
मुख्यमंत्री मोहन यादव यांनी सार्वजनिक मंचावरून घोषणा केली आहे की सिंहस्थ २०२८ दरम्यान भक्त शुद्ध शिप्रा नदीच्या पाण्यात स्नान करतील. यासाठी, शिवरखेडी-सिलारखेडी धरण बांधण्याचे काम सुरू आहे, ज्यामुळे सिंहस्थ दरम्यान पावसाचे पाणी गोळा करून सोडता येईल.
कुंभमेळासाठी उज्जैन शहरात डझनभर नवीन पूल आकार घेत आहेत. सांस्कृतिक भवन, आयटी पार्क, मेडिकल कॉलेज, हेलिपॅड, विमानतळ विस्तार आणि मेट्रो ट्रेन यांसारखे प्रकल्प देखील विकासाची गती वाढवत आहेत. अनेक प्रकल्पांचे उद्घाटन झाले आहे, तर मुख्यमंत्र्यांनी स्वतः अनेक प्रकल्पांचे भूमिपूजन केले आहे.
माहित असावे कि पुढील सिंहस्थ कुंभमेळा २७ मार्च २०२८ रोजी उज्जैनमध्ये सुरू होईल आणि २७ मे २०२८ पर्यंत चालणार आहे. हा कुंभमेळा दोन महिने चालेल, हा कार्यक्रम उज्जैन येथे, शिप्रा नदीच्या काठावर असलेल्या महाकाल नगरीत आयोजित केला जाईल. १३ हजार ८५१ कोटी रूपये एवढा मोठा निधी कुंभमेळावर भाजप सरकार खर्च करणार असल्याने, जनतेचा कराचा पैसा एका धार्मिक कार्यासाठी का खर्च करावा? असा प्रश्न उपस्थित होऊ लागला आहे.
