गुवाहाटी: बरसापारा क्रिकेट स्टेडियमवर सुरू असलेल्या दुसऱ्या कसोटी सामन्यात दक्षिण आफ्रिकेने नाणेफेक जिंकून भारताविरुद्ध फलंदाजीचा निर्णय घेतला. शुभमन गिलच्या अनुपस्थितीत, या सामन्यात ऋषभ पंत टीम इंडियाचे नेतृत्व करत आहे. भारतीय संघाने सामन्यात दोन बदल केले. शुभमन गिल आणि अक्षर पटेल यांच्या जागी साई सुदर्शन आणि नितीश कुमार रेड्डी यांचा समावेश आहे. दरम्यान, दक्षिण आफ्रिकेच्या संघात एक बदल करण्यात आला, ज्यामध्ये कॉर्बिन बॉशच्या जागी सेनुरन मुथुस्वामी यांचा समावेश आहे.
दक्षिण आफ्रिकेची चांगली सुरुवात
गुवाहाटी कसोटीत दक्षिण आफ्रिकेनेही डावाची चांगली सुरुवात केली. या दोन्ही खेळाडूंनी पहिल्या विकेटसाठी अर्धशतकी भागीदारी केली. टीम इंडिया पहिल्या विकेटसाठी सतत संघर्ष करत आहे. भारताकडे ऐडेन मार्क्रम बाद करण्याची चांगली संधी होती, परंतु केएल राहुल ने ती संधी हुकवली. भारताचा अनुभवी फलंदाज केएल राहुलने जसप्रीत बुमराहच्या चेंडूवर एडेन मार्करामचा एक सोपा झेल सोडला. मार्करामने चेंडूला मारला आणि तो स्लिपमध्ये गेला. केएल राहुलने चेंडू पकडण्याचा प्रयत्न केला पण तो चुकला. त्यावेळी मार्कराम फक्त ४ धावांवर फलंदाजी करत होता. भारत मालिकेत १ -० ने पिछाडीवर आहे.
राहुलचा कॅच भारताला महागात पडताना दिसत आहे. सध्या मार्करम ३८ धावा करुन बाद झाला जर तेव्हाच बाद केले असते तर ३८ धावा करता आल्याच नसतात. या स्टेडियममध्ये पहिल्यांदाच कसोटी सामना खेळवला जात आहे. योगायोगाने भारताचा कर्णधारही नवा आहे. ऋषभ पंतच्या नेतृत्त्वात भारतीय संघ पहिल्यांदाच कसोटी सामना खेळत आहे.
सामन्यासाठी दोन्ही संघांचे संघ –
भारतीय संघ केएल राहुल, यशस्वी जयस्वाल, साई सुदर्शन, ध्रुव जुरेल, ऋषभ पंत (कर्णधार/विकेटकीपर), रवींद्र जडेजा, नितीश कुमार रेड्डी, वॉशिंग्टन सुंदर, कुलदीप यादव, जसप्रीत बुमराह, मोहम्मद सिराज.
दक्षिण आफ्रिकेचा संघ: एडेन मार्कराम, रायन रिकल्टन, वियान मुल्डर, टेम्बा बावुमा (कर्णधार), टोनी डी झोर्झी, ट्रिस्टन स्टब्स, काइल व्हेरेन (विकेटकीपर), मार्को जानसेन, सेनुरन मुथुसामी, सायमन हार्मर, केशव महाराज.
