अमृतसर – नवरा-बायकोचं नातं हे विश्वासावर टिकलेलं असतं. आणि हा विश्वास एकदा तुटला की कितीही जुना संसार असला तरी तो काचेच्या ग्लासासारखा क्षणात फुटून जातो. आता ही अमृतसरमध्ये घडलेली घटनाच पाहा ना, एका नवऱ्यानं आपल्या बायकोला परपुरुषासोबत हॉटेलमध्ये रंगेहात पकडलं. नवऱ्याला आधीपासूनच संशय होता, म्हणून त्यानं तिचा गुपचूप पाठलाग केला आणि अखेर ती आपल्या प्रियकरासोबत असल्याचं त्याला दिसलं. या घटनेचा व्हिडिओ सध्या सोशल मीडियावर जोरदार व्हायरल होत आहे. १५ वर्षांचा संसार एका क्षणात तुटताना पाहून नवऱ्याला अश्रू आवरणं कठीण झालं आहे.
ही घटना अमृतसरमध्ये घडली. नवऱ्यानं केलेल्या दाव्यानुसार हा प्रकार पहिल्यांदाच घडलेला नाही. यापूर्वीही ती एका आमदारासोबत रंगेहात पकडली गेली होती. त्या आमदाराची ओळख तिनं कुटुंबीयांना मानलेला भाऊ म्हणून करून दिली होती. मात्र ते प्रकरण दोन्ही कुटुंबांनी शांततेत मिटवलं आणि बायकोनं आपली चूक मान्य केली होती. पण सात वर्षांनंतर पुन्हा तसाच प्रकार करताना ती पकडली गेली.
हा व्हिडिओ @ShoneeKapoor या एक्स अकाउंटवरून शेअर करण्यात आला आहे. मीडिया माहितीनुसार, बायकोनं या प्रकरणावर अद्याप कोणतीही अधिकृत प्रतिक्रिया दिलेली नाही. मात्र तिनं आता नवऱ्यासोबत राहण्यास नकार दिला असून तिनं माहेरी जाण्याचा निर्णय घेतला आहे. दाम्पत्याची मुलं लहान असल्यानं हा व्हिडिओ पाहिल्यानंतर नेटिझन्सनी नवऱ्याबद्दल सहानुभूती व्यक्त केली आहे. दरम्यान काही नेटकऱ्यांनी त्या महिलेला घटस्फोट देण्याचा सल्ला देखील दिला आहे. या व्हिडिओतील दाव्यांची पुष्टी महाराष्ट्र टाईम्स डॉट कॉमनं केलेली नाही.
