मुंबई : मुंबईतील विल्सन जिमखाना संदर्भात आता एक मोठी बातमी समोर आली आहे. विल्सन जिमखाना परप्रांतीयांच्या घशात घालू नका, असा इशारा देत आम्ही गिरगावकर या संस्थेनं जिल्हाधिकाऱ्यांना तशा आशयाचे पत्र लिहलं आहे. विल्सन जिमखानाचा भूखंड जैन संस्थेला देण्याचा निर्णय घेतला जात असल्याने आम्ही गिरगावकर संस्थेनं याबाबत आवाज उठवला आहे. सोबत समाधानकार निर्णय न झाल्यास आंदोलनाचा पवित्राही या संस्थेनं घेतला आहे. तर आता विल्सन जिमखानाच्या भूखंडावरून मराठी- जैनअसा वाद सुरू होण्याचीही दाट शक्यता आहे.
विल्सन जिमखानाचा वापर हा मुंबईकरांसाठी किंवा विद्यार्थ्यांसाठी व्हावा, जी जागा परप्रांतीयांच्या घशात घालू नका. अशी मागणी आम्ही गिरगाव टीमने जिल्हाधिकाऱ्यांना पाठवलेल्या पात्रातून केली आहे. अनेक वर्षांपासून विल्सन कॉलेजकडे असेला विल्सन जिमखान्याचा करार २०२३ मध्ये संपुष्टात आला. त्यानंतर एक लाख चौरस फुटाचा हा जिमखान्याचा भूखंड एका जैन संस्थेला देण्याचा राज्य सरकारने निर्णय घेतलाय. या विरोधात आम्ही गिरगावकर टीम ही आक्रमक झाली असून हा भूखंड आमच्यासारख्या मराठी संस्थेला द्यावा, मुंबईत बोटावर मोजण्या इतक्या मोकळ्या जागांमध्ये विल्सन जिम खाण्याची जागा आहे. त्या जागी मुलांना खेळण्यासाठी आणि कबड्डी खो-खो मल्लखांब यासारख्या खेळांचे मोफत प्रशिक्षण देण्यासाठी ही जागा द्यावी, यासाठी आम्ही गिरगावकर संस्था तयार असल्याचे निवेदन जिल्हाधिकाऱ्यांना त्यांनी दिला आहे.
तोडगा न निघाल्यास आम्ही गिरगावकर संस्थेचा आंदोलनाचा पवित्रा
दरम्यान यावर समाधानकार उत्तर आणि तोडगा न निघाल्यास पुढे आंदोलनाचा पवित्राही या संस्थेनं घेतला आहे. त्यामुळे या प्रकरणी आता नेमकं काय पाऊल उचललं जातं हे पाहणे महत्त्वाचे ठरणार आहे. तर एकीकडे आयआयटी बॉम्बेचं नाव मुंबई केलं नाही यामुळे मला बरं वाटलं असं भाजपचे केंद्रीय राज्यमंत्री जिंतेद्र सिंह यांच्या वक्तव्यानंतर निर्माण झालेल्या वादावरून राजकारण तापलं असताना आता मुंबईतील विल्सन जिमखानाच्या भूखंडावरून मराठी- जैन असा वाद सुरू होण्याचीही दाट शक्यता आहे.
