विशाखापट्टणम : स्मृती मानधनाने मैदानात पाऊल ठेवताच महा रेकॉर्डसह इतिहास रचला आहे. स्मृतीसारखी कामगिरी आतापर्यंत कोणत्याच खेळाडूला करता आलेली नाही.
काही दिवसांपूर्वी स्मृतीच्या आयुष्यात वाईट गोष्ट घडली होती. लग्न काही तासांवर येऊन ठेपलं होतं आणि तिच्या वडिलांना हार्ट अटॅक आला होता. तेव्हा स्मृतीने पलाश मुच्छलबोरबरचं लग्न पुढे ढकललं होतं. पण त्यानंतर काही दिवसांनी स्मृतीने आपण पलाशबरोबर लग्न करणार नसल्याचं अखेर स्पष्ट केलं. स्मृतीसाठी हा सर्वात वाईट काळ होता. पण स्मृती या परिस्थितीबरोबर झुंजली आणि ही रणरागिरी आता मैदानातही उतरली. मैदानात उतरताच स्मृती मानधनाने इतिहास रचला आहे.
स्मृती वर्ल्ड कपनंतर मैदानात पुनरागमन करत होती. त्यामुळे तिच्याकडे सर्वांचे लक्ष लागलेले होते. पण स्मृतीच्या फलंदाजीत कोणतीही कमतरता यावेळी दिसली नाही. श्रीलंकेच्या संघाला १२१ धावा करता आल्या होत्या. भारतीय संघापुढे विजयासाठी १२२ धावांचे आव्हान होते, हे आव्हान पार करण्यासाठी स्मृती मैदानात उतरली होती. सर्वांच्या नजरा स्मृतीच्या प्रत्येक हालचालींवर होतं. स्मृतीने यावेळी भारताला झोकात सुरुवात करून दिली. स्मृतीने चार चौकारांसह भारताला धडाकेबाज सुरुवात करून दिली. स्मृतीला यावेळी २५ धावा करता आल्या असल्या तरी तिने संघाला जी सुरुवात करून दिली ती महत्वाची ठरली. स्मृतीने य सामन्यात २४ धावा पूर्ण केल्या आणि तिने एक मोठा विक्रम आपल्या नावावर केला आहे. कारण स्मृतीने आता टी २० क्रिकेटमध्ये चार हजार धावांचा पल्ला गाठला आहे. भारताकडून कोणत्याही खेळाडूला अशी कामगिरी आतापर्यंत करता आलेली नाही. त्यामुळे भारताकडून महिला टी २० क्रिकेटमध्ये चार हजार धावांचा पल्ला गाठणारी ती पहिलीच खेळाडू ठरली आहे. त्यामुळे स्मृतीने मैदानात उतरताना पहिल्या सामन्यातच हा मोठा रेकॉर्ड आपल्या नावावर केला आहे. त्यामुळे भारताच्या या पहिल्या टी २० सामन्यात तिच्याच नावची जोरदार चर्च असल्याचे पाहायला मिळाले.
स्मृतीने पहिल्याच टी २० सामन्यात आपल्या नावावर एक मोठा रेकॉर्ड केला आहे. त्यामुळे आता दुसऱ्या टी २० सामन्यात स्मृती कशी कामगिरी करते, याकडे आता सर्वांचे लक्ष लागलेले असणार आहे.
