नाशिक – उद्धव सेनेत असलेले दोन माजी महापौर, काँग्रेसचे स्थायी समितीचे माजी सभापती, तसेच राष्ट्रवादीचे (शरद पवार) माजी आमदार यांना भाजप प्रवेशासाठी पायगळ्या अंथरल्याने गुरुवारी पक्षातील असंतोष उफाळून आला. विशेष म्हणजे महापालिका निवडणूक प्रमुख आमदार देवयानी फरांदे यादेखील या प्रवेश बाबत अंधारात असल्याने त्यांच्या समर्थकांनी आणि अन्यनिष्ठावान कार्यकर्त्यांनी भाजपच्या वसंत स्मृती कार्यालया बाहेर प्रचंड गोंधळ घातला, तसेच पक्षाचे नेते तथा जलसंपदा मंत्री गिरीश महाजन यांना घेराव घातला त्यातून मोठ्या मुश्किलीने ते व्यासपीठावर पोचल्यावर प्रवेश सोहळा पार पडला.
राष्ट्रवादीचे (शरद पवार) माजी आमदार नितीन भोसले, शाहू खैरे (काँग्रेस), माजी महापौर विनायक पांडे (उद्धव सेना) माजी महापौर यतीन वाघ (उद्धव सेना), दिनकर पाटील (मनसे) यांना पक्षात घेताना भाजपच नाराजी उफाळून आली. त्यात शाहू खैरे, विनायक पांडे, यतीन वाघ यांच्या प्रवेशाला विरोधाची धार अधिकच दिसून आली. सकाळी ११ वाजेपासून भाजप कार्यालयात नाराज गट एकत्र झाला निष्ठावंतांना डावलून आयारामांना उमेदवारी देण्याचा घाट घातला जात असल्याचा आरोप नाराज गटाने केला.
नाराजांनी प्रवेशद्वारावरच केले कडे
शाहू खैरे यांच्या विरोधात गेल्या वेळी निवडणूक लढवून पराभूत झालेले भाजपचे गणेश मोरे व त्यांचे समर्थक प्रक्ष प्रवेशाला विरोध करण्यासाठी जोरदार घोषणाबाजी करीत होते. आम्ही हा प्रवेश सोहळा उधळून लावू. पहिले मंत्री महाजन व आमदार फरांदे यांनी येथे येऊन आमच्याशी चर्चा करावी असे म्हणत नाराज गटाने पक्ष प्रवेशद्वारावरच कडे तयार केले, तेव्हा पोलीस फोर्स मोठ्या प्रमाणात भाजप कार्यालय परिसरात तैनात करण्यात आला.
उद्धव सेनेला धक्का देण्याच्या नादात भाजपतील नाराजी उफाळून आली बाहेरच्यांना पक्षात आणून त्यांना तिकीट देऊन पक्षातील निष्ठावंतांवर अन्याय होत असल्याचा आरोप कार्यकर्त्यांनी केला प्रचंड विरोधानंतर ही भाजपने नाराजांना डावलून पाच प्रमुख नेत्यांचा पक्षप्रवेश.
हॉटेल, कार्यालयात ड्रामा
भाजपच्या निवडणूक प्रमुख तथा आमदार देवयानी फरांदे यांनी सकाळी ११ वाजता मंत्री महाजन यांची एका पंचतारांकित हॉटेलमध्ये भेट घेत काय खैरे, पांडे यांच्या पक्षप्रवेशाला उघड विरोध केला. नाराज गट देखील हॉटेल बाहेर थांबून होता या विषयावरून खल सुरू असताना, तिकडे एन. डी. पाटील रोडवरील भाजप कार्यालयात पक्ष प्रवेशाला विरोध करण्यासाठी जोरदार राडा सुरू होता. मुख्य सोहळ्यास देवयानी फरांदे यांनी उपस्थित न राहता बहिष्कारच टाकला. मात्र नंतर त्यांनी पक्षात प्रवेश करणाऱ्यांचे स्वागत केले व आपण निष्ठावंतांसाठी भांडत असल्याचे सांगितले.
