माहिती : कुठेही जायचं असेल किंवा कोणता कार्यक्रम असेल तर, महिला सर्वात आधी पार्लरमध्ये जातात. कारण प्रत्येक महिलेला असं वाटतं की आपण सुंदर दिसायला हवं… अशात आयब्रोला सर्वात जास्त महत्त्व आहे. आयब्रो चांगले असतील तर, सौंदर्य देखील फुलून दिसतं… असं म्हटलं जातं. भारतात आयब्रो करायचे २० ते ५० रुपये घेतात आणि परफेक्ट शेपमध्ये आयब्रो करुन दिले जातात…
कुठेही जायचं असेल किंवा कोणता कार्यक्रम असेल तर, महिला सर्वात आधी पार्लरमध्ये जातात. कारण प्रत्येक महिलेला असं वाटतं की आपण सुंदर दिसायला हवं… अशात आयब्रोला सर्वात जास्त महत्त्व आहे. आयब्रो चांगले असतील तर, सौंदर्य देखील फुलून दिसतं… असं म्हटलं जातं. भारतात आयब्रो करायचे २० ते ५० रुपये घेतात आणि परफेक्ट शेपमध्ये आयब्रो करुन दिले जातात… तुम्ही कधी विचार केला आहे की, भारतात आयब्रोसाठी जवळपास ५० रुपये मोजवे लागतात. पण त्याच कामासाठी अमेरिकेत किती पैसे मोजावे लागतात. तर अमेरिकेत आयब्रो करण्यासाठी मोठा खर्च येतो… भारतातील आणि अमेरिकेतील खर्च फार वेगळा आहे.
अमेरिकेत स्थलांतरित झाल्यावर किंवा तिथे राहताना अनेक भारतीय वंशाच्या लोकांना या धक्क्याचा सामना करावा लागतो. भारतात आयब्रोसाठी २० ते ५० रुपये लागतात, पण अमेरिकेत त्यासाठी १० ते ४२ डॉलर्स लागतात, जे भारतीय रुपयांमध्ये अंदाजे ८५० ते ३ हजार ५०० रुपये होतात.
स्वस्त भारतीय थ्रेडिंग सलून किंवा आशियाई ठिकाणी, ६५० ते १,२५० रुपयांमध्ये तुमच्या आयब्रो सेट करून घेऊ शकता. सर्वसाधारण अमेरिकन सलून किंवा मध्यम-स्तरीय ठिकाणी, किंमत १ हजार २५० आणि २ हजार १०० पर्यंत असू शकतात, तर न्यूयॉर्क, लॉस एंजेलिस, सॅन फ्रान्सिस्को यांसारख्या प्रमुख शहरांमध्ये किंवा उच्च-स्तरीय स्टुडिओमध्ये आयब्रो करण्यासाठी २ हजार १०० ते 3 हजार ५०० रुपये मोजावे लागतात.
एवढंच नाही तर, अमेरिकेट टीप देणं देखील सामान्य गोष्ट आहे. अमेरिकेत टीप १५ ते २० टक्के देतात. त्यामुळे आयब्रो करण्यासाठी खर्च आणखी वाढतो… पण या किंमती वाढण्याचे देखील काही कारणे आहे… अमेरिकेतील पार्लरचा खर्च, भाडं, कर्मचाऱ्याचे पगार, व्यवसाय खर्च… भारताच्या तुलनेत अधिक आहे.
याव्यतिरिक्त, परवाना आणि नियमनामध्ये देखील मोठा खर्च येतो. अमेरिकेत ब्यूटी सर्विसचे कडक नियम आहेत, ज्यामुळे खर्च वाढतो. भारतात आयब्रो करण्याचा वार्षिक खर्च अंदाजे २५०–३०० रुपये आहे, तर अमेरिकेत हा वार्षिक खर्च २१ हजार ते ३४ हजार पर्यंत असतो. ही किंमत फार मोठी आहे.
