अमरावती : स्थानिक तुळजाभवानी मंगल कार्यालय येथे २५ आणि २६ ऑगस्ट दरम्यान आयोजित करण्यात आलेली ‘यशवर्धिनी भव्य प्रदर्शनी’ अतिशय दिमाखात आणि उत्साही वातावरणात पार पडली. दोन दिवस चाललेल्या या खास प्रदर्शनीला अमरावतीकर नागरिकांनी, विशेषतः महिला वर्गाने उदंड प्रतिसाद देत खरेदीसाठी मोठी गर्दी केली होती.
विविध उत्पादनांचे आकर्षक स्टॉल्स
या प्रदर्शनीत हस्तकला, नवनवीन फॅशन कपडे, पारंपरिक दागिने, गृहोपयोगी वस्तू आणि वैशिष्ट्यपूर्ण खाद्यपदार्थांचे अनेक स्टॉल्स मांडण्यात आले होते. स्थानिक महिला उद्योजकांना प्रोत्साहन देणे आणि त्यांच्या कलागुणांना हक्काचे व्यासपीठ मिळवून देणे हा या प्रदर्शनीचा मुख्य उद्देश होता. दोन दिवसांच्या या कालावधीत नागरिकांनी भरभरून खरेदी करत स्थानिक उद्योजकांना मोठा पाठिंबा दर्शवला.
आयोजकांचे नेटके नियोजन
कार्यक्रमाचे अतिशय उत्कृष्ट आणि नियोजनबद्ध आयोजन आयोजक स्मितल गिरी, अनिता खडतकर आणि आकाश दानखडे यांच्या संकल्पनेतून व नेतृत्वाखाली करण्यात आले. उपस्थितांसाठी आवश्यक असणाऱ्या सर्व सुविधा आणि सुरक्षेची योग्य काळजी घेण्यात आल्यामुळे प्रदर्शन सुरळीत व आनंददायी वातावरणात पार पडले.
मनःपूर्वक आभार व्यक्त
प्रदर्शनीच्या अभूतपूर्व यशानंतर आयोजक स्मितल गिरी, अनिता खडतकर आणि आकाश दानखडे यांनी प्रदर्शनात सहभागी झालेल्या सर्व स्टॉलधारकांचे, भेट देणाऱ्या उत्सुक नागरिकांचे तसेच प्रत्यक्ष-अप्रत्यक्ष सहकार्य करणाऱ्या सर्वांचे मनापासून आभार मानले आहेत. आगामी काळातही अशाच नाविन्यपूर्ण उपक्रमांचे आयोजन केले जाईल, असा विश्वास यावेळी आयोजकांनी व्यक्त केला.
Author: आकाश रमेशराव दानखडे
लेखक अमरावती जिल्ह्याचे प्रतिनिधी असून सामाजिक व राजकीय क्षेत्रात त्यांचे चांगले वलंय आहे. मागील ८ वर्षांपासून ते सामाजिक क्षेत्रात कार्यरत आहेत. २०२६ साली महाराष्ट्र शासनाने त्यांना "विशेष कार्यकारी अधिकारी" म्हणून सन्मानित केले आहे.
