अर्थ – २०२५ वर्षाचा शेवट अगदी जवळ आला आहे आणि २०२६ नवीन वर्षाचा जल्लोषात स्वागत करण्यासाठी लोकांमध्ये उत्साह दिसत आहे. चालू वर्षात भारतीय शेअर मार्केटला अनेक आव्हानांचा सामना करावा लागला असून कधी अप तर कधी डाऊन जाणार देशांतर्गत बाजार पुढील वर्षी तेजीची उभारी घेईल अशी लोकांना अपेक्षा आहे. आगामी नवीन वर्षात शेअर बाजारातून भरपूर कमाई करण्यासाठी जपानी ब्रोकरेज फर्म नोमुराने २० स्टॉकची यादी केली आहे जी तुम्हाला कमाई करण्यास मदत करू शकतात.
याशिवाय नोमुराने २०२६ या संपूर्ण वर्षासाठी निफ्टीसाठी लक्ष्य सेट आहे. नोमुराने चार घटक ओळखले आहेत जे भारतीय इक्विटींना नवीन लक्ष्यापर्यंत पोहोचवू शकतात. ब्रोकरेजने अहवालात म्हटले आहे की भारतीय शेअर बाजार आता नवीन तेजीसाठी सज्ज आहे. जागतिक राजकीय तणाव कमी होत आहेत, भारताची अर्थव्यवस्था स्थिर होत आहे आणि कॉर्पोरेट कमाई पुन्हा जोरदार वाढू लागली आहे.
निफ्टी५० इंडेक्समध्ये तेजीची लाट उसळणार
नोमुराने अहवालात २०२६ च्या अखेरीस निफ्टी ५० निर्देशांक २९,३०० पर्यंत पोहोचेल, म्हणजे सध्याच्या पातळीवरून सुमारे १२ टक्के उंची उडी घेईल असा अंदाज वर्तवला असून यासाठी आपली करणेही नमूद केली आहेत. ब्रोकरेजने म्हटले की देशांतर्गत गुंतवणूकदार निधी बाजारात सतत येत आहेत आणि सरकार जीएसटी कपातीपासून ते व्याजदर कमी करण्यापर्यंत विविध आधार देत आहे, ज्यामुळे मागणी मजबूत राहिली आहे.
नोमुराने म्हटले आहे की जागतिक बाजारांच्या तुलनेत १४ महिन्यांच्या खराब कामगिरीनंतर भारतीय बाजाराचे मूल्यांकन प्रीमियम आता सामान्य झाले आहे, जे दीर्घकालीन गुंतवणूकदारांसाठी चांगली संधी आहे. याशिवाय जागतिक पातळीवर वाटेवर शांत झाले असून वाढीला पाठिंबा देणारे धोरणात्मक उपाय आणि संरचनात्मक समस्या आधीच अस्तित्वात आहेत. म्हणूनच, नोमुराने विविध क्षेत्रांमध्ये सर्वोत्तम कामगिरी करू शकणाऱ्या 20 निवडक स्टॉकची यादी तयार केली आहे.
कोणत्या शेअर्सवर ब्रोकरेज बुलिश
आयसीआयसीआय बँक , इन्फोसिस, बजाज फायनान्स, महिंद्रा अँड महिंद्रा, अॅक्सिस बँक, टायटन, अल्ट्राटेक सिमेंट, गोदरेज कंझ्युमर प्रॉडक्ट्स, एलजी इलेक्ट्रॉनिक्स, सीजी पॉवर, स्विगी, डॉ. रेड्डीज, डिक्सन टेक्नॉलॉजीज, अल्केम, महिंद्रा फायनान्स, सोना कॉमस्टार, ईक्लेर्क्स, आदित्य बिर्ला रिअल इस्टेट आणि मेडप्लस नोमुराचे टॉप पिक्स आहेत. त्याचवेळी, २०२६ मध्ये निफ्टी आणि सेन्सेक्समध्ये अनुक्रमे १२% आणि १०% वाढीचा अंदाज वर्तवणाऱ्या गोल्डमन सॅक्स आणि एचएसबीसी सारख्या काही जागतिक ब्रोकरेजमध्ये आता नोमुरा नवीन नाव सामील झाले आहे.
