पटना – बिल गेट्स फाउंडेशन बिहारमधील वैद्यकीय संशोधन सेवांवर नियंत्रण ठेवत आहे. अमेरिकन संस्था, बिल गेट्स फाउंडेशनने भारतातील शालेय मुलींवर एचपीव्ही लसीच्या चाचण्या घेतल्या. गर्भाशयाच्या कर्करोगापासून बचाव करण्यासाठी मुलींना ही लस देण्यात आली, ज्यामुळे काही मुलींचा मृत्यू झाला आणि काहींना वंध्यत्व आले, असा दावा आरजेडी खासदार सुधाकर सिंह केला. त्यांच्या या दाव्याने खळबळ उडाली आहे.
आरजेडी खासदार सुधाकर सिंह यांनी म्हटले आहे की भारतीय मुलींचा उंदीर आणि माकडांसारखा वापर करून प्रयोग केले जात होते, ज्यामुळे गुजरात आणि आंध्र प्रदेशातील शाळांमध्ये मुलींचा मृत्यू झाला. याचा पुरावा म्हणजे ३० ऑगस्ट २०१३ रोजी राज्यसभेच्या आरोग्य आणि कुटुंब कल्याण संसदीय स्थायी समितीचे तत्कालीन अध्यक्ष ब्रिजेश पाठक यांचा ७२ वा अहवाल प्रकाशित झाला होता, ज्यामध्ये बील गेट्स फाउंडेशनने निधी दिलेल्या गर्भाशयाच्या कर्करोगाच्या एचपीव्ही लसीकरणाचे निकाल आणि मृत्यू सादर केले होते.
सुधाकर सिंह यांनी सांगितले की बिल गेट्स फाउंडेशन देणगीच्या नावाखाली भारतात त्यांच्या औषधांवर प्रयोग करत आहे आणि भारतीय अधिकारी या कामात सहभागी आहेत. लसीकरण कार्यक्रमादरम्यान काही मुलींचा मृत्यू झाला आणि त्यांना गंभीर आरोग्य समस्यांना तोंड द्यावे लागले. हे धर्मादाय आणि आरोग्यसेवेच्या नावाखाली केले गेले. बिहारमध्ये, एचपीव्ही लस शाळकरी मुलींवर देखील वापरली गेली आहे आणि मी बिहारचे मुख्यमंत्री नितीश कुमार यांना याबद्दल माहिती दिली आहे. मात्र, मला अद्याप कोणताही प्रतिसाद मिळालेला नाही.
सुधाकर सिंह यांनी असा दावाही केला की बिहारमध्ये मुलींना लसीकरण केल्याच्या प्रकरणांचीही चौकशी झाली पाहिजे. त्यांनी संपूर्ण प्रकरणाची स्वतंत्र चौकशी करण्याची मागणी केली. या आरोपांवर संबंधित संस्था किंवा सरकारकडून कोणताही अधिकृत प्रतिसाद मिळालेला नाही.
माहित असावे कि वाद नवीन नाही. २००९ मध्ये, पीएटीएच नावाच्या संस्थेने सरकारी संस्थांच्या सहकार्याने आरोग्य जागरूकता कार्यक्रमाचा भाग म्हणून एक पायलट प्रकल्प राबवला होता. हा कार्यक्रम प्रामुख्याने आंध्र प्रदेश आणि गुजरातमधील शालेय मुलींमध्ये राबविण्यात आला होता. त्यानंतर मृत्यू आणि प्रक्रियात्मक त्रुटींचे आरोप समोर आले, ज्यामुळे या कार्यक्रमाची चौकशी सुरू झाली होती.
