नागपूर : सण-उत्सवांच्या आनंदात आपल्या समृद्ध ऐतिहासिक वारशाची जपणूक व्हावी आणि तरुण पिढीत छत्रपती शिवाजी महाराज व शिवकालीन किल्ल्यांविषयी आदर, आत्मियता व गोडी निर्माण व्हावी, या उदात्त हेतूने मध्य नागपुरात एका नाविन्यपूर्ण ‘शिवकालीन किल्ले स्पर्धा २०२६’ चे आयोजन करण्यात आले आहे. आमदार सांस्कृतिक महोत्सव समिती, मध्य नागपूर आणि दुर्गजागृती किल्ले स्पर्धा आयोजन समितीच्या वतीने या भव्य स्पर्धेचे आयोजन करण्यात आले असून, या उपक्रमामुळे नागपूरकरांमध्ये उत्साहाचे वातावरण निर्माण झाले आहे.
आमदार प्रवीण दटके यांच्या संकल्पनेतून सुवर्णसंधी
मध्य नागपूरचे लाडके आमदार प्रवीण प्रतिभा प्रभाकरराव दटके यांच्या कल्पनेतून हा नाविन्यपूर्ण उपक्रम प्रत्यक्षात आला आहे. “चला घरासमोर किल्ला बांधूया! स्वराज्य हिताचे भविष्य साधूया!” या प्रेरणादायी घोषणेखाली आयोजित या स्पर्धेमुळे लहानांपासून मोठ्यांपर्यंत सर्वांनाच आपल्या हाताने शिवकालीन किल्ले साकारण्याची सुवर्णसंधी उपलब्ध झाली आहे. आजच्या डिजिटल युगात बालकांच्या मनात आपल्या गड-किल्ल्यांचा इतिहास जिवंत राहावा, हा यामागचा मुख्य उद्देश आहे.
स्पर्धेचे तीन प्रमुख गट आणि आकर्षक रोख पुरस्कार
ही स्पर्धा सर्व स्तरातील नागरिकांसाठी खुली असून यात एकूण तीन गट पाडण्यात आले आहेत. प्रत्येक गटात आकर्षक मानचिन्ह आणि भव्य रोख पुरस्कार ठेवण्यात आले आहेत:
प्राथमिक शाळा गट :
प्रथम क्रमांक : १५,०००/- रुपये व सन्मानचिन्ह
द्वितीय क्रमांक : १३,०००/- रुपये व सन्मानचिन्ह
तृतीय क्रमांक : ११,०००/- रुपये व सन्मानचिन्ह
माध्यमिक शाळा गट :
प्रथम क्रमांक : १५,०००/- रुपये व सन्मानचिन्ह
द्वितीय क्रमांक : १३,०००/- रुपये व सन्मानचिन्ह
तृतीय क्रमांक : ११,०००/- रुपये व सन्मानचिन्ह
हौशी / छंदिस्त खुला गट :
प्रथम क्रमांक : २१,०००/- रुपये व सन्मानचिन्ह
द्वितीय क्रमांक : १७,०००/- रुपये व सन्मानचिन्ह
तृतीय क्रमांक : १५,०००/- रुपये व सन्मानचिन्ह
तसेच याशिवाय प्रथम, द्वितीय व तृतीय क्रमांकासोबतच उत्तेजनार्थ आणि विशेष सादरीकरणासाठी देखील भव्य बक्षिसे दिली जाणार आहेत. विशेष म्हणजे, या स्पर्धेसाठी प्रवेश पूर्णपणे निःशुल्क ठेवण्यात आला आहे.
उत्सव यशस्वी करण्यासाठी तज्ज्ञांचे मार्गदर्शन
या संपूर्ण उपक्रमाचे आयोजन सौ. निरजा नागेश पाटील (संयोजिका) यांच्या मार्गदर्शनाखाली होत असून, किल्लेदारांच्या टीममध्ये विशाल देवकर, रोहित लाडसावंगीकर, वैभव गणोस्कर, अभिषेक कळमकर, अभिषेक सावरकर, पुष्कर दहशास्त्र आणि वेदांत नाथे हे किल्ले उभारणीत आणि मार्गदर्शनात सक्रिय सहभाग घेत आहेत.
अधिक माहिती व संपर्कासाठी :
या स्पर्धेचे नियम, अटी व अधिक माहिती जाणून घेण्यासाठी खालील संपर्कावर संपर्क साधण्याचे आवाहन करण्यात आले आहे:
सौ. निरजा नागेश पाटील (संयोजिका) : ८३२९६३६२७१
अविनाश अडकुलवार : ८३२९९७६९८०
दसऱ्याच्या व दिवाळीच्या आनंदाला शिवरायांच्या इतिहासाची जोड देणाऱ्या या ‘शिवकालीन किल्ले स्पर्धा २०२६’ मध्ये मध्य नागपूरमधील जास्तीत जास्त नागरिकांनी, शाळांनी आणि शिवप्रेमींनी उत्स्फूर्त सहभाग नोंदवावा, असे आवाहन आयोजन समितीच्या वतीने करण्यात आले आहे.
Author: विवेक गंगाधरराव राऊत
लेखक सा. रयत रक्षक व रयत रक्षक न्यूज, महाराष्ट्र. चे मुख्य संपादक असून स्वतः प्रकाशक व मालक आहेत. त्यांना मागील 20 वर्षांपासून सामाजिक व राजकीय क्षेत्राचा प्रदीर्घ अनुभव व पत्रकारिता क्षेत्रातील मागील 9 वर्षाचा अनुभव आहे. आपल्या लेखणीतून ते नेहमी रयतेचे हित जोपसण्याचे कार्य करतात.
