अमरावती : वऱ्हाडी बोलीभाषेचा गोडवा, ग्रामीण जीवनातील विनोद आणि मराठी साहित्याची समृद्ध परंपरा यांचा सुरेख संगम साधणारी ‘वऱ्हाडी माय बोली’ ही हास्य कविता व विनोदी किश्यांची मैफल अमरावती येथील नंदनवन कॉलनीत उत्साहपूर्ण वातावरणात दिनांक २३/१०/२६ रोजी संपन्न झाली. बांधिलकी बहुउद्देशीय mayट्रस्ट, बांधिलकी प्रतिष्ठान अमरावती आणि शारदा सखी मंडळ, नंदनवन कॉलनी यांच्या संयुक्त विद्यमाने या कार्यक्रमाचे आयोजन करण्यात आले होते.
कार्यक्रमाचे अध्यक्ष प्रमुख म्हणून नागपूर येथील प्रसिद्ध कवी तथा अक्षरक्रांती फाउंडेशनचे अध्यक्ष मा. शंकर घोरसे उपस्थित होते. अमरावतीचे ज्येष्ठ साहित्यिक मा. आबासाहेब कडू यांचीही विशेष उपस्थिती लाभली. वऱ्हाडी हास्यकवी मा. दिवाकर देशमुख यांनी आपल्या खास शैलीतून वऱ्हाडी भाषेतील विनोद, किस्से आणि हास्याची रंगतदार मेजवानी सादर केली.
वऱ्हाडी बोलीतील सहज संवाद, ग्रामीण जीवनातील गंमतीजमती आणि लोकसंस्कृतीचे दर्शन घडविणाऱ्या सादरीकरणामुळे मैफलीला विशेष रंगत आली. बोलीभाषेतील साहित्याचे सौंदर्य आणि त्यातून व्यक्त होणारे लोकजीवन यांचा अनुभव रसिकांना घेता आला.
कार्यक्रमाचे प्रास्ताविक ॲड. नीता प्रफुल्ल कचवे यांनी केले, तर सूत्रसंचालन मा. रोशनी कडू यांनी केले. कार्यक्रमातून वऱ्हाडी बोलीभाषेच्या संवर्धनासह स्थानिक साहित्यिक आणि सांस्कृतिक परंपरेला प्रोत्साहन देण्याचा प्रयत्न करण्यात आला.
वऱ्हाडी भाषेतील हास्यविनोद आणि साहित्यिक अभिव्यक्ती यांचा आनंद देणारी ही मैफल रसिकांसाठी संस्मरणीय ठरली. कार्यक्रमाच्या आयोजनातून मराठी बोलीभाषा, साहित्य आणि लोकसंस्कृती यांच्याप्रती आयोजकांची बांधिलकी अधोरेखित झाली.
Author: ॲड. नीता प्रफुल कचवे
लेखिका माजी जिल्हा परिषद शिक्षिका (स्वेच्छा निवृत्त) असून एक उत्कृष्ट साहित्यिक अधिवक्ता, समुपदेशक व वक्ता म्हणून कार्यरत आहेत. बांधिलकी प्रतिष्ठान व बांधिलकी बहुउद्देशीय ट्रस्ट अमरावती च्या संस्थापक अध्यक्षा म्हणून सामाजिक क्षेत्रात कार्य करतात. समाजात वाचनालय, बालसंस्कार केंद्र, महिला व युवतींसाठी विविध उपक्रमे, वृक्षारोपण, प्लास्टिक निर्मूलन कार्यशाळा, शाळा व कॉलेज मधे विविध विषयांवर व्याख्यान हे त्यांचे प्रमुख कार्य आहेत. बांधिलकी प्रतिष्ठान, अखिल भारतीय मराठा महासंघ, मराठी साहित्य मंडळ, भाऊसाहेब उपाख्य पंजाबराव देशमुख शिक्षक परिषद, अखिल भारतीय कुर्मी मराठा समाज संघटना, अखिल भारतीय ग्राहक पंचायत, अखिल भारतीय ग्राहक कल्याण परिषद अश्या विविध संघटनेच्या माध्यमातून सामाजिक क्षेत्रात अग्रेसर आहेत. साहित्य क्षेत्रात त्यांनी ३० पुस्तकांचे प्रस्तावना लेखन केलेले आहे. तीन पुस्तकांचे संपादन केलेले आहे. कथा, कविता व लेखन सारख्या विषयांवर कार्यशाळा घेणे, राज्यस्तरीय साहित्य संमेलनाचे आयोजन केलेले आहे. त्यांनी स्वतः १० पुस्तकांचे प्रकाशन केले असून ५ पुस्तके प्रकाशनाच्या वाटेवर आहेत. राज्यस्तरीय साहित्य सेवा गौरव पुरस्कार २०२५, राष्ट्रीय नारिशक्ती पुरस्कार २०२६ दिल्ली, शब्दवेल नारिशक्ती सन्मान २०२६, खरी कारभारीण नारिशक्ती पुरस्कार २०२६, क्रांतिज्योती सावित्रीबाई फुले काव्यप्रतिभा पुरस्कार २०२६ च्या त्या मानकरी ठरल्या आहेत. समाज जागृती हा त्यांचा आवडीचा छंद राहिला असून, सा. रयत रक्षक व रयत रक्षक न्यूज, महाराष्ट्र च्या माध्यमातून आपले विचार ते नेहमी वाचकांसाठी मांडत असतात.
